Өлең, жыр, ақындар

Революция рухы

  • 30.04.2019
  • 0
  • 0
  • 1699
Жоқ баяғы темір күшім,
Қазірде мен шаршағам.
Бірақ үлкен өмір үшін
Күресерлік бар шамам.
Алдыменен ақындарша
Айқасамын гүл үшін.
Сұлулықтың
Батырларша
Сілтеп алмас қылышын.
Жиырмасыншы ғасырдағы
Дон-Кихоттай мен серің.
Қорқаулардың қолындағы
Қағып түсем семсерін.
Жүрегіме ұялаттым
Махаббатты, жан жарым.
Қағып түсем
Қиянаттың
Қылп-қылп еткен қанжарын.
Мұндай кезде ағаң мықты:
Майып болар мың кісің.
Шарт сындырам
Арамдықтың
Шарға ұстаған сүңгісін.
Қағып дұшпан омырауын,
Езе берсін малтасын.
Ұңғысынан омырамын
Ұр да жықтың балтасын.
Мүгедек боп меңдей қалсам,
Алдымнан тек кесе өтпе.
Өлсем өлдім.
Өлмей қалсам,
Мені күшке есепте!
Жабылғанда барша дүние,
Көзім оттай шатынап.
Кітап жазам Корчагинше
Төсек тартып жатып-ақ!



Пікірлер (0)

Пікір қалдырыңыз

Жаңбырдан соң

  • 0
  • 0

Жалт-жұлт етіп, сарт-сұрт етіп жалт ойнап,
Жаздай жаңбыр жаумап еді — жұрт айғақ.
Бимаза жел аспан астын аралап,
Бір мезгілде алып келді бұлт айдап.

Толық

Барлық саусақ бірдей емес

  • 0
  • 0

Кімдер біздің класты
Өнерсіз деп ойлайды.
Алсаңыздар Күләшті,
Сыбызғыңда ойнайды.

Толық

Өзіңді тану — өзгені тану

  • 0
  • 0

Менің өзім қызық жанмын, қарағым.
Қалай тұрам?
Қашан қайда барамын?
Қалай ішем елдің берген сусынын?

Толық

Қарап көріңіз