Өлең, жыр, ақындар

Гәп

  • 30.04.2019
  • 0
  • 0
  • 2525
Ішпеймін мен қызыл сұрап,
Ақ сұрап.
Қарайды ақыл ішімдікке жатсырап.
Арақтан да,
Шараптан да
Мен үшін
Жеңгейлердің күрең шайы жақсырақ.
Мінбеймін мен көлік сұрап,
Ат сұрап.
Ер-тоқымды қалдым, сірә, жатсырап.
Менің үшін
Газиктен де,
УАЗ-дан да
Жаяу жүріп қыдырғаным жақсырақ.
Тіленбеймін мансап сұрап.
Тақ сұрап,
Мұнымда да бар-ау деймін гәп, сірә!
Патша болмай,
Король болмай,
Хан болмай,
Қатардағы жан болғаның жақсырақ!
Мен халқымнан кеткен жоқпын жатсырап
Міне, осында болса керек гәп, сірә!
Жапырақ боп күнде діріл қаққанша,
Сол ағашқа тамыр болған жақсырақ!



Пікірлер (0)

Пікір қалдырыңыз

Жалғыз ағаш

  • 0
  • 1

Долы желмен жағаласып дауылда,
Дүр сілкініп алатын бір жауында —
Орман емес,
Тоғай емес,—

Толық

Жел

  • 0
  • 1

Өскен бірге далада
Таптырмай дос-адасы,
Жүрді шулы қалада
Жаздың желі адасып.

Толық

Адам мынау үйренген соң тұрмысқа

  • 0
  • 0

Адам мынау үйренген соң тұрмысқа,
Алдына оның түсе алмайды құмырсқа,
Ал бөлгенде сол еңбектің жемісін,
Артық алсам дейді пенде бір мысқал.

Толық

Қарап көріңіз