Өлең, жыр, ақындар

О бастан-ақ өзімшіл

  • 01.05.2019
  • 0
  • 0
  • 2411
О бастан-ақ өзімшіл,
Меншіл емен.
Тіл таба алам қойшымен,
Елшіменен.
Балықшымен бір шығып көк теңізге,
Жер астына бір түстім кеншіменен.
Ұзын демен жолымды,
Қысқа демен.
Жазда келем ауылға,
Қыста келем.
Келген сайын
Болатқа жан бітірген
Бір сырласпай кетпеймін ұстаменен.
Танысуға жас кезде жасқана ма?!
Талай ермен сырластым астанада.
Түс кезінде
Сылақшы жеңгейлермен
Бірге тұрдым кезекте,
Асханада.
Біз қазақпыз қыз баққан,
Ұл өсірген.
Жан емеспін төс ұрып,
Бір есірген.
Қатар кірдім сан мәрте трамвайға
Техникпен,
Монтермен,
Слесарьмен.
Ақын ба екен,
Әкім бе,
Ұлық па екен?
Деп ойлардай
Көрсетпен қылық бөтен,
Түбінде мен
Сорпаға салған тұздай
Қалың елдің ішіне сіңіп кетем!



Пікірлер (0)

Пікір қалдырыңыз

Ескерткіштің емес ол тас құндағы

  • 0
  • 0

Ескерткіштің емес ол тас құндағы,
Орындығың тулап ед астыңдағы,
Аударылып түстің де ағып бердің
Төңкерілген қайықтай тасқындағы.

Толық

Төбет пен күшік

  • 0
  • 0

Иығыңды жауып жылы ішікпен,
Даналықтың бальзамынан ішіп пе ең?!
Ішсең егер — түсінесің,
Қарашы,

Толық

Мамыр мен тамыр

  • 0
  • 0

Мамыр жайлы мен білетін көп кітап.
Мықты болсаң,
Айтылмаған жоқты тап.
Өткен күзде кесіп алған еменнің

Толық

Қарап көріңіз