Өлең, жыр, ақындар

Әгөй көк

  • 09.05.2019
  • 0
  • 0
  • 1006
Ай, жаным, торы жорға, торы жорға, әгәй көк,
Басында торы жорға шәйіден дорба, өтеді жалған, амал жоқ.
Түскенде сен есіме, сенер болсаң, әгәй көк,
Басамын аяғымды әзер зорға, өтеді жалған, амал жоқ.

Ақтаңгер тау биігі артылар ма, әгәй көк,
Інжу тас қара пұлға сатылар ма, өтеді жалған, амал жоқ.
Әркімнің әзілдесер құрбысы бар, әгәй көк,
Қараңға қара қарға шатылар ма, өтеді жалған, амал жоқ.

Келеді ердің ері екі елуге, әгәй көк,
Ақ тұйғын құс қонады мекеніне, өтеді жалған, амал жоқ.
Қашаған қашарында байқап қашар, әгәй көк,
Артынан жүйрік қуып жетерінде, өтеді жалған, амал жоқ.
Шын ашық өз басыма болсаң, құрбым-ай, әгәй көк.
Қамшыңды беріп кеткін кетерінде, өтеді жалған, амал жоқ.



Пікірлер (0)

Пікір қалдырыңыз

Бекзатым

  • 0
  • 0

Қара нар жүк көтермес бел кеткен соң,
Ен жайлау құлазиды ел кеткен соң.
Жолыққанша
Аман бол, амал қанша.

Толық

Ал қаракөз

  • 0
  • 0

Барады аулым көшіп сарымсаққа-ай,
Шыбын жан шықпайды екен сағынсақ та-ай.
Келмеді қыста хабар, жазда хабар-ай,
Сарғайып елесіңе табынсақ та-ай.

Толық

Кер қашаған

  • 0
  • 0

Міндім де кер қашаған аяңдадым-ау, аяңдадым-ау,
Шығар деп сәулем үйден-ау, аялдадым, аялдадым-ау.
Ғашығым жанды өртеген қимасым-ау, қимасым-ау,
Кетерде қоштасарға-ау, бара алмадым, бара алмадым-ау.

Толық

Қарап көріңіз