Бір ғана

Талдан таяқ жас бала таянбайды,
Бала бүркіт түлкіден аянбайды.
Угай-ай,
Ән салшы-ай, бір ғана.

Қос етек, бұраң бел,
Қуалай соғар қоңыр жел.

Елдің көркі, ақ тоты бір баласың,
Қай дұшпан көзі қиып жамандасын.

Қос етек, бұраң бел,
Қуалай соғар қоңыр жел.

Айналайын, қарағым, келдің қайдан?
Алма мойын, ала үйрек ұшар сайдан.
Угай-ай,
Ән салшы-ай,
Бір ғана.

Қос етек, бұраң бел,
Қуалай соғар қоңыр жел.

Мекеніңді, қарағым, айтып қойшы,
Жат болмағы адамның осындайдан.
Угай-ай,
Ән салшы-ай,
Бір ғана.

Қос етек, бұраң бел,
Қуалай соғар қоңыр жел.

---