Өлең, жыр, ақындар

Болмас еді арманым

  • 09.05.2019
  • 0
  • 0
  • 2348
Қазығұртты жағалай тас болады,
Шын азамат үйінде бас болады.

Көрмедім ойын-күлкі,
Жарығынан жалғанның.
Жақсы болса жан жарым,
Болмас еді арманым.

Көрінгенмен жылтырап сыртым бүтін,
Ішім жанып, көзіме жас толады.

Қапа боп тағдырыма,
Өлеңімді айтамын.
Жақсы болса жан жарым,
Болмас еді арманым.

Ұлы жұртты жағалай тал болады,
Ашылмаса көңілім дал болады.

Көрмедім ойын-күлкі,
Жарығынан жалғанның.
Жақсы болса жан жарым,
Болмас еді арманым.

Қасіреттің қайғысы басқа түссе,
Айдын көлге ақ үйрек зар болады.

Қапа боп тағдырыма,
Өлеңімді айтамын.
Жақсы болса жан жарым,
Болмас еді арманым.


Пікірлер (0)

Пікір қалдырыңыз

Ай-хай, заман-ай

  • 0
  • 0

Өлеңді неге отырмыз дүрілдетпей,
Ай-хай, заман-ай.
Қалайық дүрілдетіп заман өтпей,
Әй, уәй.

Толық

Әкені жоқтау

  • 0
  • 1

Бісміллә еді сөз басым,
Айтсам бір келер көз жасым.
Кетіпті-ау әкем келмеске,
Иманың болсын жолдасың!

Толық

Бөбегім-ау

  • 0
  • 0

Әлди, әлди, бөбегім,
Жұбанбайтын не дедім.
Бөбегімді емізіп,
Бесігіне бөледім.

Толық