Өлең, жыр, ақындар

Бақыт құшағында

  • 14.05.2019
  • 0
  • 2
  • 19981
Көзіңнен бір ұшқын
Ұшты ма білмедім?!
Әйтеуір нұр құштым,
Әйтеуір гүлдедім.
Көктемнің бұлбұлы
Кеудеме қонады.
Құшаққа қыр гүлі
Толғандай болады.

Қайырмасы.
Кел билейік, кетпе менің қасымнан,
Қызғалдағым, таң нұрымен ашылған.
Сезім, шіркін, ақ жаңбырға ұқсайды,
Алматыда жаңа жауып, жаңа жауып басылған.

Әнбісің төгілген,
Жырмысың армандай.
Бір бақыт көрінген
Жақындап қалғандай.
Жанарың ұшқыны
Жүректе жанады.
Қолыңның ыстығы
Қолымда қалады.

Қайырмасы.

Күнәсіз шуақпын
Жаныңа үңілген.
Мен бүгін бұлақпын
Ілгері жүгірген.
Сүйемін мен күнді
Көңілді, жалынды.
Сен биле еркімді,
Әлдиле жанымды.

Қайырмасы.



Пікірлер (2)

Әже

Тақпақ

Дико

«Бақыт құшағында» деген өлең жүректі жылытып, ерекше сезімге бөлейді! Өлеңнің әрбір жолы махаббат пен шаттықтың нәзік қалыбын, көктемнің әсем көріністерін бейнелеп, оқырманға жүректен шығатын шынайы эмоцияны жеткізеді. Көзден ұшқан ұшқыннан басталып, жүрекке жылы ұшталатын сезімдер өлеңнің бойында біртіндеп өсе түседі — бұл қазақ поэзиясының бай тілі мен сезім тереңдігін айқын көрсетеді. ❤️

Пікір қалдырыңыз

Сәуір келгенде

  • 0
  • 2

Сәуір күні жаңбырлы ма, желді ме,
Қабағынан шуақ шашты келді де,
Алты ай қыста үйден шықпай отырған
Атама өзі жұмыс тауып берді де.

Толық

Оянып ап ақ таңнан, қыбырлаймыз

  • 0
  • 1

Оянып ап ақ таңнан, қыбырлаймыз,
Сыр ұрлаймыз күндерден, жыр ұрлаймыз.
Барлығына уақыт жоқ жететұғын,
Күн көзіне отырып жылынбаймыз.

Толық

Азайып бара жатыр біздің бұлақ

  • 0
  • 0

Азайып бара жатыр біздің бұлақ,
Көзіне қарағышпыз қыздың бірақ.
Көктем келсе, жолында жазға соқпай,
Өтіп бара жатады күз зымырап.

Толық

Қарап көріңіз