Барлығы да менікі
- 1
- 9
Барлығы да менікі:
Мына дәуір, мына өмір,
Мынау аспан, мына күн.
Мына мұхит, мына жер -
Сиыр айдап өріске ертеңменен
Сиыр айдап өріске ертеңменен,Баратын ек тоғайға еркемменен
Тал басына шық тұрып, күннің нұры
Мың бояумен тоғайды көркемдеген
Қарасаздың шыбығын жел тербеген,
Жел тербеген шыбықты мен тербегем.
Ойласамшы, сол шыбық терек болып,
Өзегімді бір кезде өртер деген...
Қарасаздың шыбығын жел тербеген
Жел тербеген шыбықты сен тербеп ең.
Сонда менің ойымда мұң бар еді,
Өзі келіп, бір күні серпер дегем
Жақын өсіп жас шыбық бала талға,
Оянатын екеуі ала таңда
Тағдырымды сонда мен табыстаппын,
Сезімі бар, сенім жоқ алақанға...
Қарасаздың шыбығын сен тербеп ең,
Сен тербеген шыбықты мен тербегем.
Ойласамшы сол шыбық бір кездерде,
Өзегімді өзің боп өртер деген
Сол тоғайға барып ем ертеңменен,
Қарсы алдымда терек тұр жел тербеген.
Бір тоғайда бірге өскен егіз едік,
Here ғана шошыдың, еркем, менен?!
Пікірлер (4)
Пікір қалдырыңыз
Көзің нұрсыз дейсің сен
- 1
- 3
...Содан бері шыныммен жыламадым,
Сүріндім ғой, қойшы оны, құламадым.
Көзің нұрсыз дейсің сен өлде әзілің,
Әлде бір шыныңмен-ақ сынағаның
Исаев Жандос
Қайран менің ағам ай өлеңдеріңді əр оқыған сайын жаңадан отырғандай боламын
Мұрат
Мұқағали Мақатаевтың Сиыр айдап өріске ертеңменен өлеңі ұнады
Айым
Мәә керемет екен
Лаура
«Сиыр айдап өріске ертеңменен» өлеңін оқып, Мұқағали Мақатаевтың табиғат пен адам тағдыры арасындағы нәзік үндестікті қалай сезіндіретінін тағы бір мәрте түсіндім. Бұл туындыда әр жол – көркемдік толғаныс пен терең ойдың тарланы: қарасаз бен шыбық, күн сәулесі мен жел тербейтін табиғат суреттері арқылы ақын өзінің ішкі күйі мен өмірлік философиясын жеткізеді.
Өлеңнің қазақ әдебиетіндегі орны ерекше, өйткені ол әр оқырманға жүрекпен оқылатын нағыз поэзиялық әсер береді.
Өлеңді жоғары бағалаймын және оны әдебиет сүйер оқырмандарға міндетті түрде оқуға кеңес етемін!