Өлең, жыр, ақындар

Жазығында Жайықтың

  • 18.05.2019
  • 0
  • 0
  • 1333
Жайнаған не ер белден,
Тасыған ба ақ Жайық?
Ну телегей тербелген,
Қыры қандай ғажайып!
Кеме жүзген үстінде,
Кереметті айдын кең,—
Самолеттен түстім де,
Құшағымды жайдым мен.
Тұрғандай-ақ алтыннан,
Шұғыласын жайып күн.
Дән екен бұл шалқыған,
Жазығында Жайықтың.
Чапаевтай аттанып,
Жеңіспенен оралған
Әскер ме бұл топталған,
Қырға шапқан Оралдан?
Көріп соны алыстан,
Құшағымды жайыппын.
Мотор мініп жарысқан,
Ұлдары екен Жайықтың.
Сол моторға күй бітіп,
Күймелермен ағылған.
Жұлдыздар ма құйғытып,
Жалтылдаған сағымнан?
Жүгіріп мен алдынан,
Құшағымды жайыппын.
Астық екен ағылған,
Толқынындай Жайықтың.
Қарадым мен қалып таң,
Дүркін дәнге тасыған.
Тасып сонау Жайықтан,
Миллиардқа қосылған.


Пікірлер (0)

Пікір қалдырыңыз

Түнде ұшқан бұлбұл

  • 0
  • 0

Гүлсіз орман,
Қараңғы түн...
Ұшты бұдан жүз жыл бұрын,
Желдей есіп мұңлы бұлбұл,

Толық

Украин жігіті

  • 0
  • 0

Ол асығып келді майданнан туған жерге,
Көрейін деп өз үйін, өз қақпасын.
Бес жыл болды елінен кеткеніне,
Оның қайтып жүрегі құмартпасын.

Толық

Шет өлкеде, жат елде

  • 0
  • 0

Шет өлкеде, жат елде,
Туған жерден тым жырақ,
Түн күзетте жүргенде,—
Түндей қатып тұнжырап.

Толық