Өлең, жыр, ақындар

Қарап бурыл шашыма

  • 18.05.2019
  • 0
  • 0
  • 1545
Қарап бурыл шашыма,
Алқынба деп асыға
Тақпа, досым, сын маған.
Өйткені бұл ғасырда
Әлі талай асуда
Алатын көп сыбағам.
Бұл ғасырмен бір менің
Албырт жастық күндерім.
Жарыса бір келем мен
Қуып бақыт қаңбағын.
Жұлдызын да қармадым,
Жарқылдаса төбемнен.
Дарқан дала, кең жердің
Дауылында тербелдім,
Өзенімен ақтым бір.
Жапан түзге гүл еккен
Өстім қайсар түлекпен,
Шырқағаным — бақыт жыр.
Саясында толғандым,
Сыбағам бар орманның
Мәуесінде, гүлінде.
Сол бір бақта жырменен
Көбелектей гулеп ем
Ерке жастық күнімде.
Сыбағам бар шыңдардан
Дабылдарда шырқалған,
Маған таныс өрен үн,
Құздарды сол басынған,
Жалан, төсті жас ұлдан
Жастығымды көремін.
Сыбағам бір, сырласпын,
Заманы бір құрдастық
Сүйемін мен күллісін,
Естіп талай сыр алдым,
Тыңдауға әлі құмармын
Қыз, жігіттің күлкісін.
Ойлама бұл жасымда
Жүр екем деп асыға
Алуға бір жүлдені,
Тек жылдармен жарыса,
Сүйікті бір жарымша,
Жебелейді жыр мені.



Пікірлер (0)

Пікір қалдырыңыз

Атыңды мен естідім

  • 0
  • 0

(Бауыржан Момышұлына)
Атыңды мен естідім
Окоптардан,
Ормандардан,

Толық

Мұқанның өліміне

  • 0
  • 0

Көтеріп құз қайғыны тастар едім,
Болмаса құздан биік басқан өрің!
Әлемге қазақ даусын таратып сен,
Далама даңқ берген асқар едің.

Толық

Украин жігіті

  • 0
  • 0

Ол асығып келді майданнан туған жерге,
Көрейін деп өз үйін, өз қақпасын.
Бес жыл болды елінен кеткеніне,
Оның қайтып жүрегі құмартпасын.

Толық

Қарап көріңіз