Өлең, жыр, ақындар

Жасыл белде

  • 18.05.2019
  • 0
  • 0
  • 1258
Жасыл белде желпіндіріп келем мен,
Жаңа туған жан самалы өлеңмен.
Өлең өзі жүрегіме құйылды,
Жұрт даусынан жаңғыртқан сол қиырды,
Өрнек сызып, cap адырдың жазығы
Жаңа жырлар тың бетіне жазылды.
Жорғаласа арқаның жел-самалы
Желкілдейді жасыл егін сабағы.
Қиялымда ғажайып жыр көктеді,
Бұл жондарға болушы едім өкпелі.
Жапан дүздің түндеріндей көңілсіз,
Бұл белдерден көшкен бұрын ел үнсіз.
Адырларға әжім салған кәрі із көп,
Атам менің жортқан екен дән іздеп,
Көрдім міне, сол іздердің беттері,
Аталардың арманындай көктеді.
Ту төбенің ылдиында, төсінде,
Толықсиды тыңнан туған несібе.
Жасыл белді желпіндіріп келем мен,
Жаңа туған жан самалы өлеңмен...



Пікірлер (0)

Пікір қалдырыңыз

Бұл тауда...

  • 0
  • 0

Бұл тауда тұлпар-ата жылқы баққан,
Жылқысын Ерейменнің жұрт ұнатқан.
Тұқыртып ақ борандай асауларын,
Жапанға жел жүйрігін зымыратқан.

Толық

Шырқа, сәулем, алдымда

  • 0
  • 0

Шырқа, сәулем, алдымда,
Шаттық жырын шалқыған.
Енсін рақат жаныма
Отқа кеше шарпылған.

Толық

Ұстаз бейнең есімде

  • 0
  • 0

Ұстаз бейнең есімде. Қалижан Бекхожин
Ғабит Мүсіреповке
Ойымнан кетпес мәңгілік
Ұстаз бейнең есімде.

Толық

Қарап көріңіз

Басқа да жазбалар