Ғафу Қайырбеков

Совхоз «Темір»

Бұл бетте «Совхоз «Темір»» атты Ғафу Қайырбеков жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

22.05.2019
0
0
1434

Хан Темірдің орнында совхоз «Темір»,
Бұл кездейсоқ нәрсе емес - бұл екі өмір.
Қан төгілген алапта мақта өсірген
Заманыңның сырына үңіле біл!
Тарих деген - кітап деп ұқпа жалаң,
Тарих сенің өскен жер, туған далаң.
Сол далада өмірді сақтаймын, - деп,
Қаншама рет жоғалтты құрбанды адам?!
Білем оны, сүйемін білгендіктен,
Адам бақты болашақ күннен күткен,
Сол болашақ ішінде тұрмын жасап,
Әр күнімнің аяғы жырмен біткен.
Совхоз «Темір»... Я, бұл менің жерім.
Ата-бабам жеңгенін, жеңілгенін
Ауылымның жылаған, қуанғанын
Осы жерден оқиды көңілім менің.
Аппақ өңір... Шаң түзді мақта жапқан.
Таң да осынау өлкені мақтап атқан,
Күн де осынау өлкені сүйіп шыққан,
Қуан соған, жерлесім, мархабаттан!

Ғафу Қайырбеков совхоз темір совхоз «темір» Ғафу Қайырбеков өлеңдері

Пікірлер (0)

Пікір қалдырыңыз

Жиі қойылатын сұрақтар