Бір уыс дән – Ғафу Қайырбеков

Бұл бетте «Бір уыс дән» атты Ғафу Қайырбеков жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

  • 22.05.2019
  • 0
  • 0
  • 2234
Тұра қап егін шетінде
Қолыма алдым бір сабақ,
Ып-ыстық сәуле бетінде
Толысқан екен күн санап.
Уысқа салып уқалап,
Ұшырдым үрлеп қауызын.
Оқуға бетін бір парақ
Алтын дән атты аңыздың.
Мөлдіреп сары моншақтай
Қолымда қалып от табы,
Алақан сайын босатпай,
Сырғанап болып тоқтады.
Үңіліп, көзімді ала алмай,
Ынтыға тұрдым иіскеп,
Сағынтып соққан самалдай
Тарайды тәтті иіс кеп.
Бейнеттен туған ақ перзент
Зейнеттің аты осы ма ед?!
Алтын дән бойын тұр кернеп
Адамнан жұққан қасиет.
Табиғат әмір істемек,
Сипат пен сипат алмасып.
Өтеміз солай біз, демек,
Туған жерменен жалғасып.
Өтеміз, солай, күні-түні
Өсудің заңын алға ұстап,
Төгілсе, қайта өнетін
Бір уыс сонау дәнге ұқсап.


Пікірлер (0)

Пікір қалдырыңыз

Жиі қойылатын сұрақтар

Бір уыс дән өлеңінің авторы кім?

Ғафу Қайырбеков — осы өлеңнің авторы.

Бір уыс дән өлеңінің толық мәтінін қайдан оқуға болады?

Бұл бетте өлеңнің толық мәтінін және текст нұсқасын онлайн оқуға болады.

Бір уыс дән өлеңі не туралы?

Бұл өлеңде Ғафу Қайырбеков өз ойы мен сезімін көркем түрде жеткізеді.

Бір уыс дән өлеңінен үзінді бар ма?

Бұл бетте өлеңнің толық мәтіні, шумақтары және өлең жолдары ұсынылған.

Осы автордың басқа өлеңдері