Өлең, жыр, ақындар

Жеңімпаз өмір заңымен

  • 22.05.2019
  • 0
  • 0
  • 1913
«Мен — Совет Одағының азаматы!»
— Заманның бізге берген ғажап аты,
Сол атпен, сол есіммен келеміз біз
Аймалап көктем лебі, жаз қанаты.
Сол атпен, бақыт құшқан сол есіммен
Жарқырап тарихтың сан белесінен.
Жеңіспен жедел асып біз өткенбіз,
Кетпейтін ел есінен, жер есінен.
Сол жолда адаспайтын алтын қазық
Ленин берген өмір заңын жазып.
Ол заңда — жеңістердің қайнар көзі
Адамның рухына болған азық.
Ол азық — азаттықтың жемістері,
Елдегі еркін еңбек, ер істері,
Бүгінгі миллиардтың — өз анасы,
Достықтың бірге алысқан жеңістері.
Сондықтан заңның әрпін бұлжытпастан,
Жаттаған бала жастан, жігіт жастан,
Жарқырап көз алдымда күнмен қатар
Тұрады ол — халық жазған ғажап дастан!



Пікірлер (0)

Пікір қалдырыңыз

Ұста

  • 0
  • 0

Алтайдың асылдарын соққан ұста,
Алмаған екі көзін оттан ұста,
Төс темір, қара көрік, батпан балға —
Аузымен қызыл жалын қапқан ұста.

Толық

Алтын бесік — туған жер

  • 0
  • 0

Амансың ба, Аманның қарағайы,
Амансың ба, ақ терек, бала қайың?
Амансың ба, Жеті көл — жеті бота,
Тостағандай көзіңнен айналайын!

Толық

Қаратау астындағы өзен

  • 0
  • 0

Таулары көп бұл қазақтың
Даласына орнатқан.
Қаратауға күн де жақын,
Жер де тегіс ол жатқан.

Толық

Қарап көріңіз