Ғафу Қайырбеков

Жершілмін

Бұл бетте «Жершілмін» атты Ғафу Қайырбеков жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

23.05.2019
0
0
1738

Я - мен жершілмін,
Жеті түнде мекенін
Айнымай тапқан
Аттың жершілдігі секілді.
Қиырда жүрсе де
Ата-мекенінің әр шөбін
Жаңылмай айтқан
Қарттың жершілдігі секілді.
Қанаты талса да,
Жетпей қонбайтын
Құстың жершілдігі секілді.
Баласының кіндігі түскен жерін
Таппай қоймайтын,
Ана деген — күштің жершілдігі секілді.
Қостанай маған, әмән
Үштің — бірі секілді.
Молшылықтың үштен бірі,
Жақсылықтың үштен бірі,
Жер бай, жомарт болса
Оныңда үштен бірі,
Астық миллиард болса
Оның да үштен бірі.
Мен туған
Елімді құттықтаймын,
Ерліктен туған
Өнімді құттықтаймын.
Ақталған
Сенімді құттықтаймын!
Менің мақтанышым —
Отан ісі, —
Даламның кеңшілігі,
Менің мақтанышым —
Заманның мақтанышы,
Менің жершілдігім —
Адамның жершілдігі!

Ғафу Қайырбеков жершіл жер отан жершілмін Ғафу Қайырбеков өлеңдері

Пікірлер (0)

Пікір қалдырыңыз

Жиі қойылатын сұрақтар