Өлең, жыр, ақындар

Жұртымның жүдә жақсы жайы, күйі

  • 30.05.2019
  • 0
  • 0
  • 1294
Жұртымның жүдә жақсы жайы, күйі,
Тойынып, түскен орта толды миы.
Қуылып бай, құлақтар құрып кетті,
Қан сорғыш секілденген қара бүйі.
Берілді бадырақтың пайдасына,
Олардың ұстаған мүлік, тіккен үйі.
Әл-жайын аш, арықтың аңғарып тұр,
Ауданнан азаматтар келіп жиі.
Жасасын Кеңес табы гүлдей жайнап,
Аз емес еңбекшіге еткен сыйы.
Шап кетпен, шалқақтама, енді ерлерім,
"Жұмсақ" деп жолбасшымның жүдә иі.
"Туған жоқ тура биде" дегендей-ақ,
Атамайды атасын да, шықса шиі.
От жақсаң өзің кімге деп өртенерсің,
Құлайсың қақтығысып, қазсаң құйы.
1918.



Пікірлер (0)

Пікір қалдырыңыз

Қалдыбекке

  • 0
  • 0

Алла аты абайласаң қолында тұр,
Жазуы Мұхамметтің формында тұр.
Күн бітсе, кебінге орап көмер халқың,
Өлімнің екі аяғың орында тұр.

Толық

Отырма уайымсыз ажал барда

  • 0
  • 0

Отырма уайымсыз ажал барда,
Бойында, пенделік қыл, мажал барда.
Дариясы дін - исламның ағып жатыр,
Шомылып кір-қоңыңнан тазар, бар да.

Толық

Ізмұхамедке

  • 0
  • 0

Ардақты Ізмұхаммед, інім саған,
Бір Алла беріп еді білім саған.
Ел біткен айтқаныңды екі етпей,
Қыздардай қиқарсып тұр қылымсыған.

Толық

Қарап көріңіз

Басқа да жазбалар