Өлең, жыр, ақындар

Сүлетке айтқаны

  • 30.05.2019
  • 0
  • 0
  • 1020
Таң атып, қуаныштың күні шықты,
Гүжімнің көлеңкелі гүлі шықты.
"Мұқтажың мұнан былай бітеді", - деген,
Жолдастың Мирзояндай үні шықты.
Рахмет көптің көңлін көркейтетін,
Ән мен күй тамашаның түрі шықты.
Шат болып шамадан тыс бұл сүлетте,
Әр жүздің құттықтауға дүрі шықты.
Кимесек көйлек, ыстан күйедей боп,
Киімнен сыртқа еттің кірі шықты.
Ауданнан келгендерді атқаруға,
Камалов көбісінен ірі шықты.
Саңлақтар саннан озған сарапқа өтпей,
Бәһасы бір сом да емес, мірі шықты.
Ләпқойдың бір қатарын бақ көтеріп,
Білгірдің білімге бай бірі шықты.
Мазалы сөздеріңді жаз, - деген соң,
Қиялдың қалайда да қыры шықты.

1934.



Пікірлер (0)

Пікір қалдырыңыз

Есер мен есті

  • 0
  • 0

Бар еді баябанда бір бай түрік,
Жинаған жұрт таңырқар мал мен мүлік.
Болғанмен сондайынша салтанатты,
Тұрар ма түпкілікті түспей бүлік?

Толық

Ұстаз ұсынысы

  • 0
  • 1

Шәкірттер, бір-біріңмен ұрыспаңдар,
Мінездің мінін алып, дұрыстаңдар!
Жолына жамандықтың жақын бармай,
Күтініп күн ілгері жылыстаңдар!

Толық

Шырын тіл, шырайлы жүз болсаң кішік

  • 0
  • 0

Шырын тіл, шырайлы жүз, болсаң кішік,
Құрметтер қатар, құрбың аттан түсіп.
Көрікті көп көзіне көрінерсің,
Дарақтай миуалы тұрған пісіп.

Толық

Қарап көріңіз