Құрылған құтты болсын, сүлеттерің

Бұл бетте «Құрылған құтты болсын, сүлеттерің» атты Тұрмағамбет Ізтілеуұлы жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

  • 30.05.2019
  • 0
  • 0
  • 1664
Құрылған құтты болсын, сүлеттерің,
Сияқты болды сүлет сүр еттерің.
Кедейдің күннен күнге көзін ашып,
Бұздыңдар бай, құлақтың үреттерін.
Айтылмай аңлауымда сөз қалған жоқ,
Енді істің ету керек іреттерін.
Ақымақты "әліпті айыр бақан" дейтін,
Кеңестің көрдік көзбен дүр еткенін.
Солардың санағында біз де болсақ,
Қояр ет қорқып жүрек "дір" еткенін.
Жойсаңдар надандықты народ көптен,
Жайынды өліп қалған тірі еткенің.
Құстарды алғыр бүркіт мұзды балақ,
Қолайлы қолдарыңнан түлеткенің.
Алғысын "Алға бас!" деп жұрт беріп тұр,
Білген соң нұрдан сүтін тіреткенін.
"Айып" деп азаматтар айта көрме,
Ұят деп ұнамайтын тұр еткенің.
Деп ұлы Ізтілеудің Тұрмағамбет,
Аңлапты надандықпен күн өткенін.

1934.


Пікірлер (0)

Пікір қалдырыңыз

Жиі қойылатын сұрақтар

Құрылған құтты болсын, сүлеттерің өлеңінің авторы кім?

Тұрмағамбет Ізтілеуұлы — осы өлеңнің авторы.

Құрылған құтты болсын, сүлеттерің өлеңінің толық мәтінін қайдан оқуға болады?

Бұл бетте өлеңнің толық мәтінін және текст нұсқасын онлайн оқуға болады.

Құрылған құтты болсын, сүлеттерің өлеңі не туралы?

Бұл өлеңде Тұрмағамбет Ізтілеуұлы өз ойы мен сезімін көркем түрде жеткізеді.

Құрылған құтты болсын, сүлеттерің өлеңінен үзінді бар ма?

Бұл бетте өлеңнің толық мәтіні, шумақтары және өлең жолдары ұсынылған.

Осы автордың басқа өлеңдері