Жұмекен Нәжімеденов

Ақ саусақ билейді, билейді

Бұл бетте «Ақ саусақ билейді, билейді» атты Жұмекен Нәжімеденов жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

30.05.2019
0
0
3944

Ақ саусақ билейді, билейді
кәдімгі ақ мата үстінде.
Көк жіпті сұр ине сүйрейді,
көк ала кестелер түсті де –
Кестелер кенеттен тіріліп,
ну орман өсті де жетілді.
Көк жиек сол нуға сүрініп,
асып кеп құлаған секілді –
Көл ұйықтап көгалдың шетінде,
маңдайын жартасқа тірепті.
Осын-ау айдынның бетінде
Тастар да толқыды, дір етті.
Кестелер көк ала, ақ ала...
тағы бір қарашы, байыптым.
Төбемде ұшқандай шағала,
жағасын еске алдым Жайықтың...
Кестелер, кестелер тірілген!
Жарымның қолына қарадым:
кестені жап-жаңа тігілген
кер-дала жамылып барады.
Кестелер көгеріп түсті де,
сұр ине көк жіпті сүйрейді.
...Осылай туған жер үстінде
Саусақтар билейді, билейді.

Жұмекен Нәжімеденов саусақ ақ саусақ билейді билейді... Жұмекен Нәжімеденов өлеңдері

Пікірлер (0)

Пікір қалдырыңыз

Жиі қойылатын сұрақтар