Жеті апта

Бұл бетте «Жеті апта» атты Жұмекен Нәжімеденов жазған соғыс туралы өлең берілген. Өлең мәтіні, текст, өлең жолдары және толық нұсқасын осы жерден оқуға болады.

  • 01.06.2019
  • 0
  • 0
  • 2238
Жеті апта, жеті апта мезгілге көп емес,
Аз ба екен жеті апта жағалас, «төбелес» –
Бір майдан тірліктің іргесі солқылдар,
Өмірді өңмендеп тепкенде толқындар.

Толқындар соғады, қағады кемені,
Төрт батыр жаны ұшып, алысып келеді.
Төрт өмір, төрт жүрек орнаған бір кеуде,
Бір кеме, бір үміт тек алға сүйреуде.

Сүйрейді, сүйрейді бір арман, бір үміт
Үнемі шалғайға, алысқа жүгіріп.
Бір кеме! Адамдар винт боп бұралған –
Советтер Одағы осылай құралған.

Көк те аспан, жер де аспан – қосылып көлбейді.
Айнала бір аспан – секір де өл! – дейді,
Сақылдап күледі, сарқырап ағады.
Өлмейді, өлімді жеңеді Советтің адамы!

Жеңді олар, сол жеңіс көтеріп келеді,
Отанның абройын, ғажайып кемені.


Пікірлер (0)

Пікір қалдырыңыз

Жиі қойылатын сұрақтар

Жеті апта өлеңінің авторы кім?

Жұмекен Нәжімеденов — осы өлеңнің авторы.

Жеті апта өлеңінің толық мәтінін қайдан оқуға болады?

Бұл бетте өлеңнің толық мәтінін және текст нұсқасын онлайн оқуға болады.

Жеті апта өлеңі не туралы?

Бұл шығарма соғыс туралы өлең ретінде танымал. Өлеңде автор өз ойын көркем түрде жеткізеді.

Жеті апта өлеңінен үзінді бар ма?

Бұл бетте өлеңнің толық мәтіні, шумақтары және өлең жолдары ұсынылған.

Осы автордың басқа өлеңдері