Корейская косметика премиум класса

Бұйығып өтпек күндерге...

  • admin
  • 01.06.2019
  • 0
  • 0
  • 674
Бұйығып өтпек күндерге,
Түйіліп өтпек түндерге,
Күрмеліп шықпақ тілдерге,
Шешеннің көңлі бітпеді.

Мұң болды сонда мұнартқан,
Жылдардың мұңын күн артқан,
Мұңсыз бір күнге құмартқан
Көсемнің көңлі бітпеді.

Өкініш етіп ай-күнін,
Көтеріп жүгін қайғының,
Көрсетпей мидың байлығын
Дананың көңлі бітпеді.

Келгенде мезгіл тағы алдай,
Сараңдық берген тағамдай,
Сұрағанын ала алмай
Баланың көңлі бітпеді.

Бір тауын бермей көне жыр,
Сылтауын берді сол өмір,
Желкенсіз, желсіз кеме жүр –
Ақынның көңлі бітпеді.

Иріліп алдап жіп ұшы,
Кеудеге симай тынысы,
Қолына тимей қылышы
Батырдың көңлі бітпеді.

Ол бір заман – заман-ды,
Заманға бәрі қамалды,
Қамалмаған адамды
Табанға салып бүктеді.

Қызғыш боп қорып көліңді,
Қызық боп кезіп еліңді,
Қаптатып қара селіңді
Сенің де көңлің бітпеді...


Тор

  • 0
  • 0

Жағасында Қиғаштың құмға айналған қыр барлық,
сол қырлардың бауырында біздің ауыл тұр қалғып.
Мұржалары есінеп —
шықса асықпай түтін ақ,

Толық

Ей, туған жер! Біткен екен бас маған...

  • 0
  • 0

Ей, туған жер! Біткен екен бас маған,
Сол басыммен өз кеудеңді жастанам.
Сар құмыңның бір мысқалын қос маған,
Уақыттың дауылы айдап таста

Толық

Аярлық оймен, не зілмен

  • 0
  • 0

Аярлық оймен, не зілмен
айтылған емес бекер бұл:
Кемшілік көрсем өзімнен
өзгені сыйлайды екенмін.

Толық

Қарап көріңіз


×