Өлең, жыр, ақындар

Қызығам:...

  • 02.06.2019
  • 0
  • 0
  • 2054
Қызығам: тау үстінен алтын арай
Түскенде көлге сырғып қалтырады-ай.
Көтеріп көк етегін күн келеді,
Тау қары қалай жатсың жалтырамай!

Қызығам: төзбесе тас балқымасқа,
Менімен жұрты бірге, салты басқа.
Алдынан ақыл-ойдың шыға келді.
Алатау ақ қасқа емес, алтын қасқа.

Не шара сұлулыққа талпынбасқа,
Кеудеде сұлулықсыз жан тұрмас та.
Қара көз дөңбекшиді малтып жасқа,
Көңілде – ой, алда – сурет, ән тұр баста.

Қиялды қызықтырып құлақтағы үн,
Өргіздім Алатаудың бұлақтарын.
Дүниеде қанша сурет болса дағы
Келеді дәл осыған тұрақтағым.

Қызығам: табиғаттың көркеміне,
Осын-ау тірі тұрған ертегіге.
Төсіне бала таудың бұлттан сырып,
Өз қолым жапқандайын көрпені де.

Қызығам: тұнық сурет бұзылар ма,
Әлемде суретшінің ізі барда.
...Әр затқа көңіл шіркін қызығарда
Көк бүршік – боп көрінер қызыл алма.



Пікірлер (0)

Пікір қалдырыңыз

Өтеді бар жаңалық мен арқылы

  • 0
  • 0

Өтеді бар жаңалық мен арқылы,
жоқ бірақ шын жаңаның болар түрі;
кей күндер маған сыймай өтіп жатыр,
қаламын кей сағаттан мен артылып.

Толық

Суыртпақ

  • 0
  • 0

...Маңдайы оның өткен өмір қолжазбасы – бәрі мұң,
Сол жазуға жетілік шам түсіретін жарығын.
Сөнер сәуле қалтылдайтын, қалтылдайтын әжем де,
Қалтылдаумен өткізіпті ол өмірінің жарымын.

Толық

Қару-жарақ хақында

  • 0
  • 0

Сенің, Уақыт, жөнің жоқ-ау тарылар,
өмір бай ғой,
өлімде де бәрі бар:
газ, электр...

Толық

Қарап көріңіз