Өлең, жыр, ақындар

Партия

  • 02.06.2019
  • 0
  • 0
  • 1468
Ал, партия, сенің күнің бұл туған,
Өз толқының өзенімде бұлқынған.
Сүйемін мен, сүйемін мен өзіңді
Адам үшін – алға ғана ұмтылған.

Таң атса егер Шолпанысың сен оның,
Сенің, сенің жанарыңа сенемін.
Өмір-кеме, сен алдағы шырақсың,
Сол кемеде мен де бүгін келемін...

Күн болса егер – жарығысың сен күннің,
Жарығыңа, жарығыңа телмірдім.
Миллионға, миллионға – біреусің,
Біздің аспан биігіне тіреусің!

Өз атыңа, өз даңқыңа сүйенген
Сәби елмін – күлкі жұтып, күй емген.
Сенің атың адалдықпен туды егіз,
Сондықтан да, сондықтан да сүйем мен.

Жырым ту боп тұрар ма екен желбіреп,
Партияны жыр етейік кел, жүрек.
Махаббаттың жүрегімен сүйем мен,
Мейірімнің көңілімен елжіреп...



Пікірлер (0)

Пікір қалдырыңыз

Өз мүлкімнің бар салмағын ұқса жан...

  • 0
  • 0

Өз мүлкімнің бар салмағын ұқса жан,
Одан сайын ауырлата жүк салам.
Ойхой, менің қанағатым тойымсыз
Қайыршының дорбасына ұқсаған.

Толық

Қошалақ құмында

  • 0
  • 0

Кетіп жатты сары дала, кетіп жатты,
сұлы дәнін саршұнақ шекіп жатты.
Мына маңай не дейді-ай: қурай даусы
маңырағаны секілді жетім лақтың.

Толық

Күз-көңіл

  • 0
  • 0

Гулеп кетті жел тұрып маңай тағы,
Кәрі қурай ызыңдап ән айтады.
Мойын жүні үрпиіп жетім торғай
аяныш-сезіміңді молайтады.

Толық

Қарап көріңіз