Бақыт – Анар Шамшадинова

Бұл бетте «Бақыт» атты Анар Шамшадинова жазған бақыт туралы өлең берілген.

  • 03.06.2019
  • 0
  • 0
  • 1939
Көзімді шаттықпен жуғанмын,
Ақынды миллион ой жегенмен.
Бекеттің жерінде туғанмын,
Дәм татып мейірім дегеннен.
Әйелмін. Тағдырдан бұл жазам.
Бағына өзгенің жадырар.
Абайдың тілінде жыр жазам,
О, тәңір, басқа арман адыра!
Еркемін, өктем де шығармын,
Ашуды кейде тез сұлатып,
Шәмшінің әніне жыладым,
Бір қазақ жігітін ұнатып.
Нәзікпін, Тұрандот емеспін,
Жарым бар, тірлікте екеумін.
Өмірдің мұңдарын жемес кім,
Бәрібір бақытты екенмін.


Пікір қалдырыңыз

Пікірлер (0)

Осы автордың басқа өлеңдері