Өлең, жыр, ақындар

Қара жер мен ақ үміт

  • 03.06.2019
  • 0
  • 0
  • 1675
... Қара көйлек — ол менің үйім ғана.
Гүлнар Салықбаева.

Қызық қуып күлгенім жоқ желпініп,
Бұзық болып жүргенім жоқ жең түріп.
Гүлнар киген қара көйлек үстімде
Қара шашым қара желге серпіліп.
Қара түннен кейін ақ таң ағарған,
Қара көзден сонда тамшы жоғалған.
Қара өлеңге ханзадамдай жабысам,
Бірақ менде қара арман жоқ, ақ арман.
Қара қарға қарқылдайды, өктем бе?..
Қара ағаштың гүлін жұтып көктемде,
Қара суық қалшылдатса бойымды
Сені ойлар ем, ақ ұлпа қар өпкенде.
Қара қазақ — қалың елім, жекемін.
Білем елге ақын жақын екенін.
Ақ төсекте ақ үмітке берілем,
Қара жер ғой, бірақ мәңгі мекенім.



Пікірлер (0)

Пікір қалдырыңыз

Тағдыр бізге бір болуды жазбаған

  • 0
  • 0

Тағдыр бізге бір болуды жазбаған,
Кезіктіріп бақ бергенмен аздаған...
Қақымыз жоқ бір өткізіп түндерді
Мәпелеуге бір үмітті маздаған.

Толық

Мұқағалиды сағынғанда

  • 0
  • 0

Жыласам жұбатардай, жырласам қуанардай,
Жанымнан табылар деп сәтімде ағалаған.
Жалғыз қап теңізімде, сіз келіп жұбанардай
Сағынып сіз бар күнді іздеймін жағалаудан.

Толық

Аман тұрса туған ел

  • 0
  • 0

Сөздер емес, сезімдер дәптерімді,
Айналдырып махаббат майданына.
Мұң аймалап отырған сәттерімді,
Айырбастай алмаймын тойларыңа.

Толық

Қарап көріңіз