Анар Шамшадинова

Балауса түндер

Бұл бетте «Балауса түндер» атты Анар Шамшадинова жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

03.06.2019
0
0
1369

Бақыт боп жарыта қоймадың,
Туылған шығарсың мұңыма.
Мазасыз ойларға тоймадым,
Мән бере қоймассың жырыма.
Адал ем, адалдық қажет пе?
Тек сендік сезімге өртеніп,
Күтумен кейде қыс, жаз өткен.
Өкінген емес ем жер теуіп.
Пенденің шындығы ашылмас,
Алдасын бір-бірін алдаса.
Жаныңның жарасы жазылмас,
Тәніңнің ыстығы далбаса.
Азапты алыста ұсақтап,
Күш берген маң далам, бел-жотам.
Мұқаңның кітабын құшақтап,
Балауса түндерде мен жатам.

Анар Шамшадинова балауса түн балауса түндер Анар Шамшадинова өлеңдері

Пікірлер (0)

Пікір қалдырыңыз

Жиі қойылатын сұрақтар