Өлең, жыр, ақындар

Ер жеткенде

  • 06.06.2019
  • 0
  • 0
  • 2962
Ер жеткенде есейіп,
Ер болмасқа немене!
Ерке өсіп, білімді
Кен болмасқа немене!
Өткір алмас болатқа
Тең - болмасқа немене!
Сары алтындай салмақты,
Сірә, саспас сабырлы,
Кең болмасқа немене!
Уралап айқай салғанда,
Алтын шашақ қызыл ту
Қолға алмасқа немене!
Жарқылдаған ақ семсер,
Аспаһанды, тарланды
Жолға алмасқа немене!
Қарсы келген жауыңды,
Қаһарыңмен үйіріп,
Торға алмасқа немене!
Айбатыңмен арбасып,
Айқасып жаумен қалғанда,
Қылпып тұрған қылышты
Сонда алмасқа немене!
Осы істерді істемей
Ер жеттім деген ерлердің,
Сөзіне кісі сенер ме?!

Сентябрь, 1939



Пікірлер (0)

Пікір қалдырыңыз

Алтын бұлақ

  • 0
  • 0

Суы бал, түрі көркем алтын бұлақ,
Көгі күн, негізі өмір жанған шырақ.
Кіршіксіз кристалдай сыры терең,
Өмірдің кілтін соққан астам шындап.

Толық

Лагерьде

  • 0
  • 0

Еске аламыз осы жаз
Осы кеш, осы күндерді
Сәулетті костер басында
Айтылған шаттық өлеңді.

Толық

Досыма

  • 0
  • 0

«Мен сүйген бір-ақ сөз бар достық деген,
Ұзақ жол үзілместей жүрегімнен.
Қадірлі жан қиярлық достар болмақ,
Сүйдім мен сол достарды шын жаныммен.

Толық

Қарап көріңіз