Жұлдызым

Бұл бетте «Жұлдызым» атты Кәкімжан Қазыбаев жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

  • 07.06.2019
  • 0
  • 0
  • 2308
(«Жұлдызым» әнінің ырғағымен айтылады)

Жұлдызым келе қапты сәлем беріп,
Барады көрген сайын жүрек еріп,
Төбеміз көкке аз ғана жетпей қалар,
Біз сені әлсін-әлсін тұрсақ көріп.
Жұлдызым.
Қалқиған құлағыңнан,
Битімдей тырнағыңнан,
Аташың айналғанда,
Көмейде тұрады ән.
Ыстықсың бәрімізге сонша неге,
Тәмпиген таңқы мұрын «жаман неме»,
Сен келсең базар-думан бола қалады,
Келгендей ұзақ жолдан құтты кеме.
Қайырмасы:
Көзіңнен жылтыраған,
Иісіңнен бұрқыраған,
Аташың айналғанда,
Кеудеде жыр тулаған.
Күлсең сен езу тартып мәз боламыз,
Шаттанып, жайма-шуақ жаз боламыз,
Шиқылдап жыласаң да шырқ үйіріліп,
Шаттыққа, жанға қуат кез боламыз.
Қайырмасы:
Дулат пен Найман сенің арғы тегің,
Деп жүрміз тірі тұрсаң, болмас тегін,
Жарылып жүрегіміз сен туғанда,
Бақыттың кілті ғана болсын дедім.
Қайырмасы:


Пікірлер (0)

Пікір қалдырыңыз

Жиі қойылатын сұрақтар

Жұлдызым өлеңінің авторы кім?

Кәкімжан Қазыбаев — осы өлеңнің авторы.

Жұлдызым өлеңінің толық мәтінін қайдан оқуға болады?

Бұл бетте өлеңнің толық мәтінін және текст нұсқасын онлайн оқуға болады.

Жұлдызым өлеңі не туралы?

Бұл өлеңде Кәкімжан Қазыбаев өз ойы мен сезімін көркем түрде жеткізеді.

Жұлдызым өлеңінен үзінді бар ма?

Бұл бетте өлеңнің толық мәтіні, шумақтары және өлең жолдары ұсынылған.

Осы автордың басқа өлеңдері