Өлең, жыр, ақындар

Домбай әсерлері

  • 07.06.2019
  • 0
  • 0
  • 945
Әсер:
Зәуліммен үшеу болып
Домбай бардық,
Аспалы жолмен жүріп сайран салдық.
Табиғат мұнша сұлу болады екен,
Көркіне көз тойғысыз қайран қалдық.
Қарағай, қалың шырша жері қандай,
Mac қылған жұпар иіс демі қандай.
Шың құздан құлап аққан бұлақтары,
Төменде тұнып жатқан көлі қандай.
Тап-таза ауасы бар тіпті жұмсақ,
Шіркін-ай, мынау жерде біраз тұрсақ.
Кемінде бір он жасқа жасарар ма-ек,
Самалда салиқалы сайран құрсақ.
Базарда:
Шын ерлік сылтып жүрген Зәкендікі,
Онан соң алып келген Кәкендікі.
Орекең шекесінен шерте қарайды,
Дегендей мұның бәрі әкемдікі
Башайды берсем-дағы кофта аламын,
Мұндайға бәріңнен де епті адаммын.
Домбайды көрмек тұрғай көшірдік деп,
Жандарға ақша берген деп барамын.
Орынша түкті мұнда жақтырмайды,
Кәкең жүр мынаны ал деп таптырмайды.
Орекең ұстады өзін, тәуба құдай,
Қолынан жұлып алып лақтырмайды.
Дегенмен аларды кеп Кәкімжанға,
Кәкенде қарсы айтуға батыл бар ма.
«Менікін ал, менікі жақсы» деген,
Жаутаңдап қарай берді қатындарға.
Түйін:
Кеткенше шыдадым-ау азар ғана,
Көрікті жер көрген соң базарлама.
Бұл сапардан жасалған жақсы түйін,
Өзге әйелмен барған жөн базарға да.

1975 ж.



Пікірлер (0)

Пікір қалдырыңыз

Ә-ге

  • 0
  • 0

Бермесең, бермей-ақ қой жұмысыңды,
Ешкім де жөн дей қоймас бұл ісінді,
Қарулы қаламгерлерді айдап шығып,
Кеңіткен болғансың ба тынысыңды.

Толық

Орақ Смағұловқа

  • 0
  • 0

Е, Ореке, Ореке!
Алпыс деген асу бар,
Жетуге әркім ұмтылар,
Жақсылар оған келгенде,

Толық

Бурабай жырлары

  • 0
  • 0

Соңғы күні келін кетті көрінбей,
Жүруші еді сан адамға берілмей.
Аш қасқырдай анталаған құрғырлар,
Жабысты ма әлде бірі желімдей.

Толық

Қарап көріңіз

Басқа да жазбалар