Бауыржан

Өзеннің арғы жағында
Қасқайып қара жол жатыр,
Ыза,кек ойнап қанында
Қарайды оған ха батыр.
Қалың жау бұлттай қаптаған,
Жыландай жылжып келеді.
Елімді менің таптаған,
Өлім ғой оған керегі.
Найзағайдай күркіреп,
Айнымайды дауылдан.
Айналды жауын тілгілеп,
Прометейге Бауыржан.
Жез мұртынан сұр жебе,
Атылардай қозғалып.
Ұран салған үнінде,
Тарих толғар сөз қалып.
Быт – шыт қылып үрейдің,
Тіке қарап бетіне.
Қан тілеген көмейдің,
Салды найза өтіне.
Волокалам тас жолы,
Ерен ерлік айғағы.
Батырымның кек толы,
Жүзінен сыр айтады.
Алға,алға батальон,
Жеңіс Отан жүрегі,
Деген үнмен күн де ол,
Таңнан хабар береді.
Сырласамын рухымен,
Сусындауға қайнардан
Бүкіл қазақ ғұрпымен,
Бауыржанға айналған!

---