Ақмешіт

Өшкені қайта жаңарып,
Үн тастап иман, асыл ән.
Ағылып жатыр сан халық,
Мешітке жаңа ашылған.
Табиғат-ана тойға осы,
Келдіме екен сыр бермей.
Күмбезін күннің сәулесі,
Иіліп өзі сүйгендей.
Жасаурап қарттар жанары,
Толқыған шексіз қуанып.
Айнала думан жан-жағы,
Тірегім – дінім оралып.
Бұлт болып, шуақ таңдарын,
Сан жылдар күткен армандай.
Шөліркеп кепкен жандарын,
Жібітіп қазір алғандай.
Қорған боп байтақ далама,
Тарихқа болған куәгер.
Сиындым Бекет бабама,
Халқымды өзің қолдай гөр!