Назар әулие баба үні

Сан ағылтып жүректің жыр моншағын,
Бастауыңды іздесең құлыншағым.
Ол өзіңнің туған жер бесігіңде,
Анаң болып айқарған кең құшағын.
Осы жерде қаны мен тері сіңген,
Жан бабаңның күш алып өрісінен.
Шежіресін киелі қадір тұтып,
Оқи білші ой бөліп ел ішінен.
Олар ел деп, кеудесін отқа малған,
Іздерінен ерлік жыр жатта балам.
Болар елдің ұланы әрқашанда,
Әруақты қастерлеп аттамаған.

---