Өлең, жыр, ақындар

Құрметтеңдер, жиырмасыншы ғасырды

  • Bain
  • 26.04.2015
  • 1
  • 3
  • 17229
Біздер жүрміз дер кезінде туылып,
Суға түсіп, отқа өртеніп, жылынып,
Жетімдердің ұясына тығылып,
Жесірлердің көз жасына жуынып,
Әйтсе дағы, дер кезінде туылып!
Біздер мына дәуірменен бірге өстік,
Қарап соның қабағына, күн кештік.
Уақыттың үніменен тілдестік,
Уақыттың көшіменен бір көштік.
Адамзатты қорғай жүріп, қаң бастық,
Адамзаттың азғынымен арбастық.
Аласаиран арпалыстан аман қап,
Адамзаттың өмірімен жалғастық.
Бұл дәуірдің бетін біздер ашқанбыз,
Болашаққа солай қадам басқанбыз.
...Біздер - әлі жан баспаған асқармыз,
Біздер - әлі жазылмаған дастанбыз.
Біз жараттық мынау ғажап ғасырды,
Тарихы оның біздерменен ашылды.
Біздің мына қолтаңбамыз басулы.
Құрметтеңдер, жиырмасыншы ғасырды



Пікірлер (3)

Ұзақбаев Алихан

Мына өлеңдер керемет екен. Маған ұнады.

Гүлсезім.

Өте жақсы!

Айсана

Мұқағали Мақатаевтың Құрметтеңдер, жиырмасыншы ғасырды өлеңі ұнады

Пікір қалдырыңыз

Күй қаласа ғой

  • 0
  • 6

Сексенде селкілдеген Ахметті,
Ажал келіп, ақыры бақыл етті.
Бұйырғаны қартыңа бұл өмірден -
Айналасы алты кез ақырет-ті.

Толық

Жиі енеді

  • 1
  • 4

Жиі енеді түсіме бұрынғы ауыл,
Ойнақ салып, құлын-тай қырында жүр
Сүттен бұлақ ағызып, сиырлы ауыл
Іркіт иісі келеді мұрынға бір

Толық

Бақ мекен

  • 1
  • 6

(Тың көтерген ерлерге)
Кұт мекен,
Ырыс мекен,
Асыл мекен,

Толық

Қарап көріңіз