Өлең, жыр, ақындар

Кезіктім саған...

  • 10.06.2019
  • 0
  • 0
  • 2412
Кезіктім саған...,
Аңсарым ауып мәңгілік жыр мен сезімге,
Ақ арманымды ән қылып жүрген кезімде.
Кезіктім саған...,
Қалаға сыймай, қаңғырып жүрген кезімде,
Тамаша күнді,
Болашағымды дал қылып жүрген кезімде.
Кезіктім саған,
Адам біткеннен түңіліп жүрген шағымда,
Тағдырдың талай тайғанағынан сүрініп жүрген шағымда.
Жолықтық сонда..,
Өмірлік азап көңілді қажап ен бейнет,
Жүрген кездерде қайғымды басып бал шарап.
Жолықтың маған арнайы асқақ әндей боп,
Мұңды әуенімді паршалап...
Жолықтың маған оралтып қайта бұла күндерді,
Алдымнан аппақ атып таң.
Қайғыдан жылап көрмеген едім,
Жылағым келді бақыттан...
Қапыда қалып,
Қолымды созбай ақ таңға,
қолтығымнан кеп сүйедің мені, сүйіктім,
Талықсып бара жатқанда.
Сүйем деп саған айта алғаным жоқ
Сүйетінімді сезіне.
Сүйем десем де сенбеуші ең сонда сөзіме.
Сүйем деп саған айта алғыным жоқ.
Асық боп, құрбым, өзіңе,
Ғашық боп тұрдым көзіңе.

Бақытым менің жырақтап еді,
Жырақтап бәрің кетіп ең...
Бірақ та мені,
Құлатпа мені, жылатпа мені, өтінем.
Құласам егер құлармын, сірә, құлармын, сірә, тұра алмай,
Жыласам егер,
Жылармын, сірә, жылармын, сірә, жұбанбай...



Пікірлер (0)

Пікір қалдырыңыз

Марат Отаралиевке

  • 0
  • 0

Сезіндім аға, уақытты – сылдыр бұлақтай,
Безіндім, аға, тірліктен- сусыр сынаптай.
Көз ілгім, аға, келеді кейде сен құсап,
Сезімнің жара тұстары жанды шыдатпай.

Толық

Екінші лебіз

  • 0
  • 0

Сол болар деп ұлы ұстазды сүйгендік,
Сен жиренген тексіздіктен жирендік.
Саған ұқсап бой түзедік біздер де,
Бір өзіңнен кісілікті үйрендік.

Толық

Жалауы болған жанымның

  • 0
  • 0

Жалауы болған жанымның,
Сағындым, бәрін сағындым.
Самала желге жон төсеп,
Жатыр ма екен Нарын құм.

Толық

Қарап көріңіз