Егіз-лебіз 1-ші лебіз – Табылды Досымов

(А.Харесовке)

Шартарапқа шарқ ұрып көңіл-дөнерінен,
Жастық шаққа, жүргенде, сенуменен.
Өнеріңді, жүргенде, өруменен,
Кеп қалды ма ер жасы – Елу деген?

Жарты ғасыр сауық пен сайран құрдың ,
Майдан қылдық, көңілді жайландырдың.
Елу жасқа келгенде еңселі, аға,
Шықпай қойып жүрмесін ойдан бір мұң.

Келешектің жүргенде, көзін ашып,
Өтіп жатыр көктемге жаз ұласып.
Кемелдіктен, тектілік, тереңдіктен,
Кәріліктің, жүреді, өзі қашық.

Биігінен Елудің қостың кеңес,
Құрдас күліп, бұныңды дос күндемес.
Отызында ортайған ойсыз қанша,
50-деген сіз үшін- қос жиырма бес...

Өзіңіздей жарымай жақсы ағаға
Жүргендер көп, оларды жат санама.
Биік болғай асуың, Асқар аға,
Көгіндегі өнердің Ақ шағала!