Өлең, жыр, ақындар

Еңілікгүл

  • 15.06.2019
  • 0
  • 0
  • 1369
Қар ішінен көрдім мен Еңілікгүл,
Қимылдауға қарағым ерініп тұр.
Самал болып сипадым самайынан,
Жанашыған жансынып демігіп бір.
Жанарына үңілдім және тергеп,
Мейірімімнің мысқалын дәметер деп ...
Ақ мамыққа шынтақтап жатқан күйі,
Зер салмады мен жаққа — "жан екен" деп!
Қанша басқым келгенмен бауырыма,
Пысқырмайды екен ол — сауығыңа —
Сыбырлаған сыпайы самал түгіл,
Азынаған айбынды дауылыңа!
... Етекте өскен аласа жыршы бала,
Ене алмады Биіктің қауымына.
Суығынан түсетін түнгі ай сынып,
Нем бар еді биікке тынбай шығып?!
"Еңілікке арзу боп! — Дәмесін!.." — деп,
Мысқылдайды төменнен ырғай, шілік.
Өңі — салқын, мінезі мұндай сынық:
Етекте — жаз.
Тауда - қыс. Кіл қайшылық. 
Дүрлігеді төменде дүрмек халық,
Мошқайтындай мың түрлі гүл көп парк.
Үнсіз кетіп қалудың жөнін таппай,
Зорға ұзадым қасынан дірдек қағып.
... Жатқызбайды бәрібір қандағы жыр,
Биіктерден гүл құшу — арманы бір! —
Самалымды көгалды сайға тастап,
Дауылыммен бір барам,
Қардағы гүл!..

1981 ж.



Пікірлер (0)

Пікір қалдырыңыз

Көне қыстауда

  • 0
  • 0

Көне қыстау.
Тұр таудың төбесі ұлып...
Шәуілдейді ақ күшік, енесі үріп.
Елесі ұрып кетті ме бала шақтың,

Толық

Анна. Тоғжан. Жүрек. Тас

  • 0
  • 0

Кеудеде тулап өр жырлар,
Көңілім самғап аспанға,
"Махаббат, қызық мол жылдар...
"Өтті ғой біздің бастан да.

Толық

Мұз кеме

  • 0
  • 0

Неше ғасыр қазынасын жат жеген,
Мұз тұтқыннан әрең босап Ақ кемем,
Азат желге желкен жая бергенде,
Қарақшылар басып алды, әттеген!

Толық

Қарап көріңіз