Өлең, жыр, ақындар

Бозқаңғыр

  • 15.06.2019
  • 0
  • 0
  • 1669
Ебелек ұшқан Сары адыр
Есіме түсті тағы да.
Қаңбағы қашқан Қара қыр
Оралды жиі жадыма.
Оралды неге жадыма,
Бабамның жұрты — жер түбі?
Бар ырзық — малы-жанына
Тырбиған жусан, мортығы.
Төсінде бебеу — жел ызғып,
Жатқан да шығар аңылжып.
Ата бір жұрттан қол үздік,
Атаның ісін — аңыз ғып.
Атаңның жерін қалдырып,
Атанның белін талдырып —
Не жүріс мынау қаңғырып,
Елеске еріп — санды ұрып?!
Дәурені көшкен Тұлғалы —
Дүрбелең дүние қым-қуыт.
Даланың ессіз ұлдары —
Далада жүрміз жын қуып.
Алыстан елді бақылап,
Өлеңді қойдық көпір ғып.
Жұмақтай жерде жатып ап
Даланды аяу — не тірлік?!
Мөрі жоқ ізден танырсыз,
Мен де бір жанмын жай ұрған.
Топырағында — тамырсыз,
Қаңбақтан қайсы — айырмам?
Көңілдің кірін шайған Мұң,
Сағыныш — сарсаң, арман — мұз,
Аузында талай хайуанның
Кете де жаздап қалғанбыз...
Көрсетем қашан қарамды,
Қаңбағы қашқан қыр - дала? —
Даламның желі! — Жарамды
Жә, жетер енді — тырнама!..

24.08.1983. Кеген.
Жіңішке өзені.



Пікірлер (0)

Пікір қалдырыңыз

Дәм айыру

  • 0
  • 0

Тісің шықты - иегіңді жарып, қанап,
Жейтін болдың дәміңді — анықтап ап.
Құйтақандай көжегім! — әрнәрсені
Отырасың аузыңа салып қарап.

Толық

Көңіліне келіп қалар...

  • 0
  • 0

...Біздің Дала көнбістіктен көнге айналған тәрізді.
Өз ұлдары өгей шығып жүректен қан ағызды.
Парыз қайда алдындағы ертең келер ұрпақтың?
Қайда асырдық әруақтарға төленбеген қарызды?!. —

Толық

Бағзы баллада

  • 0
  • 0

...Ел ішіне тағы да бір дау кірді,
Қара тазы төбеге үрді, тауға үрді.
Түндіктерін ерте жауып бүгін ел,
Күндегіден малын ерте саудырды.

Толық

Қарап көріңіз

Басқа да жазбалар