Өлең, жыр, ақындар

Балалық шағы

  • Bain
  • 26.04.2015
  • 1
  • 12
  • 141903
Балалық шағы -
Патшаның тағы,
Ала алмас оны бағалап.
Көп өтпей жыл,
Тек жүрмей, біл,
Ілгергі күнді сағалап.
Үйрен білім жастықта,
Білмесең, жанға қастық та!
Білімге жүгір,
Жоқ ойдан түңіл -
Ерікке қоймай, ентелеп.
Қайтпас уақыт,
Қал дәмін татып,
Бос өткізбе еркелеп!
Жастық деген - бағасыз,
Қадірін білмес санасыз.
Жастық - алтын,
Құрып қал салтын,
Салты оның - үйрену,
Өнер қуып,
Бел бекем буып,
Надандықтан жирену!
Тұрма, қарғам, ұмтыл!
Аты өшкірден құтыл!
Білімсіз - есек,
Опасыз десек,
Сөйлеп, күліп жүрсе де.
Өлікпен тең,
Ит-құсқа жем,
Тірі боп ғұмыр сүрсе де.
Сондай болма, қарағым,
Даяр болсын жарағың!
Білген жан - көсем!
Сөйлесе - шешен,
Жұртты аузына қаратар.
Істегені - өрнек,
Қор қылмас ермек,
Нәрсені іске жаратар.
Білімдінің сөзі - ем,
Мейірімі көп, етек - кең!
Жұртына мақтаулы,
Сыбаға сақтаулы,
«Пәлі!» деп қарсы алар.
Іс қылар тежеп,
Жан-жүрек өжет,
Бет келгенді арсалар.
Қайда барса - сыйымды,
Білімі - мал, бұйым-ды!



Пікірлер (12)

Дархан

Мағжан Жұмабаевтың Балалық шағы атты өлеңі ұнады

Айша

Супер өлең!!

Гулнарь

Өте керемет өлен

Гулнарь

Өте керемет өлен

Гулнарь

Өте керемет

Ерасыл

Фф өлеңі

Ерасыл

Фф өлеңі

Диана

Жаман

Жанна

Күшті 1 орын алдым

Айзере

күшті

Назгүл

Өте керемет

Азиза

Не деген керемет өлең, өте қатты ұнап қалды. Өте Мағжан Жұмабаевқа ризамын.
Осы өлеңді енді күнде тыңдайтын болдым ✨

Пікір қалдырыңыз

Баланың қабір тасына

  • 0
  • 0

Қайғырмаңдар бұл сәбиді өлді деп,
Жас қызыл гүл мезгіл жетпей солды деп,
Бақыты жоқ сорлы ата-ананың
Жанар-жанбас шамшырағы сөнді деп.

Толық

...ға

  • 0
  • 0

Мейірімсіз тағдыр құрған торға түсіп,
Жапанда жатыр едік біз оққа ұшып,
Кеудеден таза ыстық қан сорғалап,
Қайрымсыз қара салқын жерді құшып;

Толық

Қаламыма

  • 1
  • 1

...Енді, бетім, елді көр еңбек емген,
Басында бағы жанып, күнде күлген,
Қомданып, қас қырандай қаруланып,
Алыста орағытқан жауға төнген.

Толық

Қарап көріңіз