Өтепберген Ақыпбекұлы

Жолың болсын, ұлым!

Бұл бетте «Жолың болсын, ұлым!» атты Өтепберген Ақыпбекұлы жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

24.06.2019
0
0
3388

«Күн құбылды, желденді,
Көлікке мін сен де енді.
Жолыңа!» – деп,
Қолыма
Анам ақша берген-ді.

Аялдама маңында
Біраз тұрып қалдым ба?!
Бір қарт ана
Қол жайып,
Келе берді жаныма.

Торлап алған түсін мұң,
Қарт анадан қысылдым.
Ойланбастан,
Алдым да,
Жол-пұлымды ұсындым.

Мұңлы жүзі күлімдеп,
Әлсіз қолы дірілдеп:
«Жолың болсын, ұлым!» – деп,
Бет сипады күбірлеп...

Бұзылып тұр бүгін күн,
Құбылып тұр бүгін күн.
Енді...
Несін бөгелем,
Мектеп жаққа жүгірдім.

Келем іштей бекініп,
Екпіндеймін ентігіп:
Бар мақсатым –
Сабақтан
Қалып қоймау кешігіп...

Өтепберген Ақыпбекұлы жол ұл тақпақ жолың болсын ұлым!... Өтепберген Ақыпбекұлы өлеңдері

Пікірлер (0)

Пікір қалдырыңыз

Жиі қойылатын сұрақтар