Өлең, жыр, ақындар

1946–да туғандар...

  • 04.07.2019
  • 0
  • 0
  • 1272
Мың тоғыз жүз қырық алтыда туғандар,
Бір сыр айтам, мойын бұра тыңдаңдар.
Шат өмірге күліп келген думандар,
Қайғы бұлтын қаралы елден қуғандар,
Қасіретті жуғандар,
Құрдастарым бір сыр айтам тыңдаңдар.
Соғыс бітті...
Солдат елге оралды,
Оралды да жас құрғатты жанарды.
Әке менен Ананы табыстырды сағыныш,
Сағыныштан құмар қалай қанар-ды.
Біздер солай,
Күрсіну, аңсаудан тек жаралдық,
Ел қорғаған ерлердің төлеуі боп оралдық.
Үзілмеген үміттің сәулесінен нәр алдық.
Батырлардың рухы болу керек біздерде,
Олар үшін бақыт құс қону керек біздерге.
Теңіздердей бұрқанып толу керек біздерге,
Сан асқарлар, сан шыңдар көну керек біздерге.
Арыстанша алысып тап солардың өзіндей,
Қажет кезде әдемі өлу керек біздерге.
Құрдастарым,
Бір мезгілде туғандар,
Шат өмірге күліп келген думандар,
Қайғы бұлтын қаралы елден қуғандар,
Қасіретті жуғандар,
Бұл сырымды сәл ойлана тыңдаңдар!!!



Пікірлер (0)

Пікір қалдырыңыз

Құлпытас жанындағы толғаныс

  • 0
  • 0

Қандай қиын ұл болмай оты молдау,
Құл болып жазмышқа тiс батыра алмау.
Кiмге керек жай кезде бiлгiшсiнiп,
Едiреңдеу,Шолтаңдау,Одыраңдау.

Толық

Қазақ елі

  • 0
  • 0

Өткен мыңжылдық,
Бізге не берді?
Талай қынжылдық,
Талай көгердік.

Толық

Гүлдәуреннің бақшасында гүл атып

  • 0
  • 0

Гүлдәуреннің бақшасында гүл атып,
Бір-біріңді шын беріле ұнатып,
Қозы менен Баян болып сүйдіңдер,
Қол ұстасып бір өтуге түйдіңдер.

Толық

Қарап көріңіз