Мына жанар тылсым ғой, жанар емес, япыр-ау

Мына жанар тылсым ғой, жанар емес, япыр-ау,
Көріп тұрып күрсінбей болар емес, япыр-ау.
Төңкерілген қос күмбез сиқырлаған өзіне,
Төсіңдегі қос анар, анар емес, япыр-ау.
Дұрыстығын тек қана айтыңдаршы, ағайын,
Жанып тұрған бұл қызға қандай теңеу табайын.
Онсыз менің көңілім құлазыған құмды өлке,
Онсыз менің көгімде күлімдеген жоқ Айым.

---