Деп жүріп – Айтуар Өтегенов

Деп жүріп:
Алау маздаттым,
Сырларын жүрек қозғаппын.
Өзімді-өзім япыр-ау,
Жоғалтып ала жаздаппын.
Деп жүріп:
Арай күн бұлай,
Қалмас-ау деп тұнжырай.
Құрметтей де білмеппін,
Өзімді-өзім сұмдық-ай?!
Мәуелесін деп көп гүлдер,
Нөсер-жыр лекіп төктім мен.
Жарқырап шыққан жауһазды,
Әркім-ақ таныр деппін мен.
Сезімдерімді-нұрлы екпін,
Келгені рас гүлдеткім.
Іші тар кейбір жандардың,
Қақпаны барын білмеппін.
Кемшілігімді кеш білген,
Сынадымдағы кештім мен.
Сөгіс пен ұрыс естуге,
Қақым жоқ енді ешкімнен.