Абдрахман Асылбек

Анама хат

Бұл бетте «Анама хат» атты Абдрахман Асылбек жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

25.07.2019
0
0
2648

Айналайын анашым,
Ақылы асқан данасың.
Дүниеде жоқ шығар,
Сенен өткен жан асыл.
Аймалаған баласың
Мейірбанды анасың.
Сәл көрмесең сағынып,
Құшағыңа аласың.
Айналайын анашым,
Көкте күн боп жанасың.
Жалындатар жанымды
Күлімдей көз қарасың.
Айналайын анашым,
Мызғымайтын панасың.
Қай кез, қайда жүрсем де,
Әнім болып қаласың.
Ай нұрынан жаралдың,
Шапағат боп таралдың.
Сенің сөнбес сәулеңнен
Өмірлікке нәр алдым.
Қазір балғын жастамын,
Білім жолын бастадым.
Қуат берсе Құдайым,
Болам асу – асқарың.
Құтты болсын мерекең,
От құшағың – берекем.
Мәңгі жырлап, мадақтар
Ең асыл жан сен екен.

Абдрахман Асылбек ана анашым хат анама хат Абдрахман Асылбек өлеңдері

Пікірлер (0)

Пікір қалдырыңыз

Жиі қойылатын сұрақтар