Абдрахман Асылбек

Руымды сұрама

Бұл бетте «Руымды сұрама» атты Абдрахман Асылбек жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

27.07.2019
0
0
2398

Әнін жазған Жоламан Тұрсынбаев

Қаламасаң қырқысып құруымды,
Сұрамашы, бауырым, руымды.
Бәріміз де бір ата баласымыз,
Қоя тұршы «туыс» деп бұруыңды.

Қайырмасы:
Сен – қазақтың баласы,
Мен – қазақтың баласы.
Бәрімізге жетеді
Кең қазақтың даласы!

Тілемесең таусылып тынуымды,
Сұрамашы, бауырым, руымды.
Бөлінгенге кім бақыт бөліп берер,
Жоғалтпашы жүректе жылуыңды.

Қайырмасы.

Көргің келсе жайраңдап жүруімді,
Сұрамашы, бауырым, руымды.
Егеменді еңселі Ақ ордаға,
Ойласаңшы алтын ту тігуіңді.

Қайырмасы.

Абдрахман Асылбек ру руымды сұрама Абдрахман Асылбек өлеңдері

Пікірлер (0)

Пікір қалдырыңыз

Жиі қойылатын сұрақтар