Өлең, жыр, ақындар

Елудегі еркелер

  • 27.07.2019
  • 0
  • 0
  • 1460
Әнін жазған Әсет Бейсеуов

Жетегінде жылдардың желуменен,
Келіп қапты кемел шақ – елу белең.
Өмір деген ұлы кеш шеруменен,
Желден жүйрік жүйткиді көңіл дөнен.

Қайырмасы:
Елу деген ер жасы,
Кемел шағы – дер жасы.
Ер жігіттің елуде
Сабыр болар жолдасы.
Елу – жолдың ортасы,
Ақыл-ойдың ордасы.
Елуінде ер жігіт –
Ел бастаған қолбасы.

Түспей тұрып ақыл-ой сабасына,
Жиырманың жеттік пе бағасына?
Оғыз бенен қырықты таң асыра,
Елдің енді айналдық ағасына.

Қайырмасы.

Жиырма бестің заты жоқ, аты бар да,
Ей, жігіттер, елуде қапы қалма.
Тарта бергін тоқтамай батыл алға,
Арқа сүйеп арымас ақыл-арға.

Қайырмасы.



Пікірлер (0)

Пікір қалдырыңыз

Алтын теңге

  • 0
  • 0

Білімділік керек пе?
Сөз жоқ, білім пайдалы.
Бірақ, біздер қайдағы
Бай адамды елеп көп,

Толық

Тыңда мені

  • 0
  • 0

Жанымның жалынынан мың дәмелі,
Жарығым, жатырқама, тыңда мені.
Жүрекке дауа бар ма, о, дариға,
Сен жұтқызған у тәтті, мұң да әдемі.

Толық

Сенім

  • 0
  • 0

Алла адамға пәнилік өмір берді,
Өмір берді – сөнбейтін сенім берді.
Ол сенімі – Алланы бір деп білу,
Шетсіз, шексіз ғаламды нұр деп білу.

Толық

Қарап көріңіз