Абдрахман Асылбек

Сүйеді екем

Бұл бетте «Сүйеді екем» атты Абдрахман Асылбек жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

28.07.2019
0
0
3603

Әнін жазған Бейбіт Оралұлы

Сүйеді екем, сүйеді екем мен сені,
Сен екенсің өмірімнің өлшемі.
Сәл көрмесем, зіл басады еңсені,
Жоғалғандай жүрегімнің бөлшегі.

Қайырмасы:
Өзіңсіз ас батпайды,
Жанарым жасқақтайды.
Армандап аңсауменен,
Қиялым қас қақпайды.
Қасымда бірге жүрсең,
Көңілім асқақтайды.

Сүйеді екем, сүйеді екем жанымдай,
Бойымдағы ағып тұрған қанымдай.
Тіршілігім тоқтап қалар секілді,
Көз алдымнан қалсаң бір сәт табылмай.

Қайырмасы.

Сүйеді екем, сүйеді екем, елігім,
Еліктірген, желіктірген желігім.
Бағытымнан, шабытымнан жаңылтпас,
Сен екенсің Темірқазық серігім.

Қайырмасы.

Абдрахман Асылбек сүю сүйеді екем Абдрахман Асылбек өлеңдері

Пікірлер (0)

Пікір қалдырыңыз

Жиі қойылатын сұрақтар