Өлең, жыр, ақындар

Көзіңнен айналайын

  • 28.07.2019
  • 0
  • 1
  • 49141
Әнін жазған Алтынбек Қоразбаев

Көргеннен алғаш сені күнім деп ем,
Шортандай шоршып қашып, ілінбеп ең.
Келемін содан бері өзіңді ойлап,
Көзіңнен айналайын күлімдеген.
Жүректі жарып шыққан сен бір өлең,
Өзің деп жазып келем өндіре мен.
Жүзімнің таза піскен мойылындай,
Көзіңнен айналайын мөлдіреген.
Көргенде арулардың арасынан,
Жаным бір жай таба алмай аласұрам.
Жайлауда жаутандаған қарақаттай,
Көзіңнің айналайын қарасынан.
Көргенде нұр жүзіңді балқыдым-ай,
Шалқарда шағаладай шалқыдым-ай.
Теңіздей толқып жатқан түпсіз терең,
Қөзіңнен айналайын, алтыным-ай.
Көргенде нұр жүзіңді тасыдым-ай,
Әлемде баға жетпес асылым-ай.
Барасың бірте-бірте сұлуланып,
Көзіңнен айналайын, ғашығым-ай.
Өзіңнен басқа жанды ойлап па адам?
Қашанғы қыдырымпаз бойдақ болам?
Қинамай құшағыңа алшы, құрбым,
Көзіңнен айналайын ойнақтаған.



Пікірлер (1)

Жанайым

Абдрахман Асылбектің Көзіңнен айналайын атты өлеңі ұнады, рахмет

Пікір қалдырыңыз

Қансорғыш пен шаңсорғыш

  • 0
  • 0

Ерте, ерте, ертеде,
Анықтап кім көріпті.
Өте алыс өлкеде
Бір Жарқанат болыпты.

Толық

Тамаша

  • 0
  • 0

Ей, халайық, халайық,
Тамаша әнге салайық.
Ашық аспан аясында,
Қанатты бірге қағайық.

Толық

Қазан мен құмыра

  • 0
  • 0

Құмыра өзінің тегі әлсіз болса да,
Қазанменен достық құрды соншама.
Есеп бар ма достықта? Қазан бұған мәз әлгі,
Ал, Құмыра өзімсінді Қазанды.

Толық

Қарап көріңіз