Абдрахман Асылбек

Ұйықта, бөпем

Қазақша өлең мәтіні, өлең жолдары және толық нұсқасы.

28.07.2019
0
0
4120

Әнін жазған Әбиірбек Тінәлі

Күлкің сенің таң нұрындай арайлы,
Тереземнен сәуле болып тарайды.
Мойныма сен еркелеп кеп асылсаң,
Болашағым бақытымдай қарайды.

Қайырмасы:
Ұйықта, күнім, бөбегім,
Анаң айтсын өлеңін.
Ұйықта, ұйықта, балашым,
Әлдилеуде анашың.
Бейбіт күнде өмір сүрген,
Бақытты бір баласың!

Анаң отыр өзің үшін ән құрап,
Айналайын бал бөбегім – бал құрақ.
Неткен ғажап, неткен сұлу тыныш түн,
Сен жатырсың құшағыңда балбырап.

Қайырмасы.

Анаң отыр бесігіңді тербетіп,
Еш қызық жоқ сенен басқа менде түк.
Аялаймын, аймалаймын, жан балам,
Қашан адам болғаныңша ер жетіп.

Қайырмасы.

Абдрахман Асылбек бөпе ұйықта бөпем Абдрахман Асылбек өлеңдері

Пікірлер (0)

Пікір қалдырыңыз

Жиі қойылатын сұрақтар