Өлең, жыр, ақындар

Туған жер

  • Bain
  • 26.04.2015
  • 1
  • 7
  • 132801
Бұл жарыққа аяқ басып туған жер,
Кіндік кесіп, кірім сенде жуған жер.
Жастық - алтын, қайтып келмес күнімде
Ойын ойнап, шыбын-шіркей қуған жер.
Жаратылдым топырағыңнан, сен - түбім.
Жалғаны жоқ, бәрі сенен жан-тәнім.
Сенен басқа жерде маған қараңғы,
Жарық болар Шолпан, Айым, сен - Күнім.
Тәтті суың дәмі аузымнан еш кетпес,
Қалың нуың, қыр, суыңа жер жетпес.
Кең далаңда ойын ойнап қалсамшы,
Жазу болып адамзатқа ер жетпес!..
Балақ түріп, қозы қуып, жарысып,
Батпағында тең құрбымен алысып.
Түнде - ақсүйек, алтыбақан, ал күндіз
Үйретем деп асау тайға жабысып.
«Адам басы - Алла добы» деген рас,
Қалай қуса, солай кетпек сорлы бас.
Кім біледі, мен де шетке кетермін,
Туған жерім, сені тастап басым жас.



Пікірлер (7)

Viktor-eghte888

Мағжан деген ақынды еске салып
Өлеңдерін жазыпты жеке алып
Керемет бір əсер алдым өлеңдерден
Отырмын бір өлеңді көпке балап

Акося Ақылбекова

Өте керемет өлең! РАХМЕТ!!!!

максат

рахмет

Pernegul_02

Мағжан ақын жырларына сусындап
Өмірінен көп өнеге алыңдар
Ақын жанын ақын ғана түсінер
Көп мақтаумен оны еске алыңдар

Асель

Керемет

Бико Сико

Маган сабакка керек болып еди осыны таптым коп комектести апайдан 5 алдым

Айша

Іздегенімді таптым!!!!

Пікір қалдырыңыз

Алдамшы өмір

  • 0
  • 1

Алдамшы өмір ылғи ғана у береді,
Өмір шіркін шамдай ақырын сөнеді.
Қара қайғы қалыңдады тым бүгін,
Мөлт-мөлт етіп көзіме жас келеді.

Толық

Жарыма

  • 2
  • 1

От жұтқан туысқанның халін көріп,
Күнәсіз судай аққан қанын көріп,
Айрылған ар-намыстан қарындастың
Көз жасы, қалың қайғы, зарын көріп.

Толық

Арабтан

  • 1
  • 3

Қаһармен қарғып, шапшып, ақырып ұмтылған,
Арыстанға қарсы шапқан ерлерің -
Барқылдаған бір төбеттен қаймығып,
Қалайша іздер таса, сая жерлерін?!

Толық

Қарап көріңіз