Өлең, жыр, ақындар

Махаббат заңы

  • 28.07.2019
  • 0
  • 0
  • 2483
Әнін жазған Медеу Арынбаев

Махаббат заңы,
Махаббат таңы,
Махаббат әнін
Жырлайды елдің бәрі.
Қарадым мен де,
Қарадың сен де,
Жанарың демде
Айналды алау демге.
Арманым бір өзің деп ынтық сезіммен,
Созбады қаншама жан қолын саған?
Кезіктім ойда жоқта сылқым өзіңмен,
Тоғысып сол бір сәтте жолым саған.
Жүрегім жалын,
Жүдеді халім,
Біл емін, жаным,
Түсірдің көп азапқа.
Не керек бұл күн?
Көбелек құрбым,
Ебелек ғұрпың
Айналмасын мазаққа.
Қасымнан өте бердің бұрмай басыңды,
Көңілім су сепкендей тез басылды.
Ыстық қан жүрегімде тулай тасынды,
Төгуге аз-ақ қалып көз жасымды.

Қайырмасы:
Өзіңді көргенімде, сезімді тербедің де,
Керемет құлай сүйіп, сенбедім бе?
Жарқ еткен сол сезімнің жалп етіп сөнгені ме?
Махаббат деген ұғым өлгені ме?

Дүние зырылдап дөңгелене береді,
Әсем ән ғашықтарды тербейді.
Өмірде бәрі де кезегімен келеді,
Махаббат – мәңгі жастық, өлмейді.
Есілдің, жаным,
Кешірдің бәрін,
Өсірдің, жаным,
Мәртебемді жоғары.
Шалқытқан әнді,
Балқытқан тәнді,
Өзіңдей жанды
Мен көргенім жоқ әлі.
Кәнеки, махаббат жырларын жырлайық,
Лүпілін жүректердің тыңдайық.
Аңсаған арманға жеткенше тынбайық,
Тынбайық, басқаға көңіл бұрмайық.

Қайырмасы.

Махаббат заңы,
Махаббат таңы,
Махаббат әнін
Жырлайды елдің бәрі.
Қарадым мен де,
Қарадың сен де,
Жанарың демде
Айналды алау демге.
Арманым бір өзің деп ынтық сезіммен,
Созбады қаншама жан қолын саған?
Кезіктім ойда жоқта сылқым өзіңмен,
Тоғысып сол бір сәтте жолым саған.

Қайырмасы.



Пікірлер (0)

Пікір қалдырыңыз

Кашпировскийден кейін

  • 0
  • 0

Теледидардан көріп,
Кашпировскийге сеніп,
Жетпістегі Қасым
Әппақ қудай шашын

Толық

Сөгетінің сұлуы

  • 0
  • 0

Сөгетіде бір қыз бар,
Қыз емес-ау, жұлдыз бар.
Ауылдың бар жігіті
Сол сұлуға ынтызар.

Толық

Демалыс

  • 0
  • 0

Малынып нөсеріне қызыл нұрдың,
Қанымды қызу күнмен қызындырдым.
Теңіздің жағасында қалғып кеттім,
Әуені тербеп мылжың ұзын жырдың...

Толық

Қарап көріңіз

Пікірлер